מקור דברי הימים א כ״ט:א׳
1 וַיֹּ֨אמֶר דָּוִ֤יד הַמֶּ֙לֶךְ֙ לְכׇל־הַקָּהָ֔ל שְׁלֹמֹ֨ה בְנִ֥י אֶחָ֛ד בָּחַר־בּ֥וֹ אֱלֹהִ֖ים נַ֣עַר וָרָ֑ךְ וְהַמְּלָאכָ֣ה גְדוֹלָ֔ה כִּ֣י לֹ֤א לְאָדָם֙ הַבִּירָ֔ה כִּ֖י לַיהֹוָ֥ה אֱלֹהִֽים׃
פירוש רש"י על דברי הימים א כ״ט:א׳
1 שְׁלֹמֹה בְנִי אֶחָד וְגוֹ׳. וַאֲפִלּוּ אִם הָיוּ מֵאָה לֹא דַּי לִבְנוֹתוֹ, וְעוֹד שֶׁהוּא נַעַר וָרָךְ:
2 וְהַמְּלָאכָה גְדוֹלָה. וְאִם תֹּאמַר: תַּקְטִין הַבַּיִת! זֶה אִי אֶפְשָׁר, כִּי לֹא לְאָדָם הַבִּירָה כִּי אִם לַה׳ אֱלֹהִים הַגָּדוֹל וְהַנּוֹרָא, אֲשֶׁר לֹא יְכַלְכְּלוּהוּ הַשָּׁמַיִם וּשְׁמֵי הַשָּׁמַיִם דברי הימים ב ב:ה; וְאַף עַל פִּי כֵּן אַל תִּבָּהֵל לִבְנוֹת בַּיִת גָּדוֹל כָּזֶה, כִּי אֲנִי בְּכָל כֹּחִי הֲכִינוֹתִי לְבֵית אֱלֹהִים הַזָּהָב לַזָּהָב וְהַכֶּסֶף לַכֶּסֶף וְגוֹ׳, לְפִיכָךְ אֵין לְךָ טֹרַח גָּדוֹל כָּל כָּךְ: